पाकिस्तानच्या परराष्ट्र मंत्र्याविरोधात भाजप आक्रमक

औरंगाबाद प्रतिनिधी – पाकिस्तानचे परराष्ट्रमंत्री पंतप्रधान नरेंद्र मोदी यांच्या बद्दल केलेल्या वादग्रस्त वक्तव्याच्या निषेधार्थ औरंगाबाद येथे भाजप आक्रमक झाल्याचे पाहायला मिळाले. औरंगाबाद येथील क्रांती चौकात भाजपच्या वतीने परराष्ट्रमंत्री यांचा पुतळा तसेच पाकिस्तानचे राष्ट्रध्वज जाळून निषेध करण्यात आला. तसेच यावेळी ‘देश का नेता कैसा हो नरेंद्र मोदी जैसा हो’ अशा प्रकारची घोषणाबाजी भाजपच्या वतीने करण्यात आली. राज्याचे सहकार मंत्री अतुल सावे यांची देखील आंदोलनाला उपस्थिती होती.