पी.यु.सी. प्रमाणपत्रांचे सुधारीत दर जाहिर

 अहमदनगर  :- महाराष्ट्र शासनाच्या २५ एप्रिल, २०२२ च्या निर्देशानुसार राज्यातील पी.यु.सी. चाचणीच्या दरामध्ये सुधारणा करून दर वाढीस मंजुरी देण्यात आली आहे. परिवहन आयुक्त, महाराष्ट्र राज्य यांच्या सूचनेनुसार वायुप्रदुषण नियंत्रण केंद्रांना आवाहन करण्यात येते की, मोटार वाहनांची वायुप्रदुषण तपासणी करून वायुप्रदुषण नियंत्रण प्रमाणपत्र जारी करण्यासाठी सुधारीत दराची आकारणी करण्यात यावी. त्यानुसार दुचाकी वाहनांसाठी 50 रुपये, पेट्रोलवरील तीनचाकी वाहनांसाठी 100 रुपये, पेट्रोल / सीएनजी/ एलपीजीवर चालणारे चार चाकी वाहनांसाठी १२५ रुपये, डिझेलवर चालणारे वाहनांसाठी १५० रुपये सुधारित दर निश्चित करण्यात आले आहेत. हे दर तात्काळ अंमलात येत असून प्रत्येक वायु प्रदुषण तपासणीसाठी देय राहतील. पी.यु.सी. केंद्रांच्या मालकांनी पी.यु.सी. केंद्रावार सुधारीत दराचे फलक दर्शनीय ठिकाणी प्रदर्शित करावे असे अहमदनगरच्या उप प्रादेशिक परिवहन अधिकारी यांनी प्रसिध्दीपत्राद्वारे कळविले आहे.