पहिल्याच दिवशी जवानचा रेकॉर्ड थिएटरबाहेर चाहत्यांचा जल्लोष, पहिलाच शो हाऊसफुल

मुंबई प्रतिनिधी – बॉलिवूडला चांगले दिवस येत आहेत. अलीकडच्या काळात ‘रॉकी और रानी की प्रेम कहानी’, ‘गदर 2’, ‘OMG 2’ आणि ‘ड्रीम गर्ल 2’ यांनी बॉक्स ऑफिसवर चांगली कमाई केली आहे. आता शाहरुख खानच्या ‘जवान’ चित्रपटाची पाळी आहे. 7 सप्टेंबर रोजी प्रदर्शित झालेल्या या चित्रपटाने सकाळपासूनच बॉक्स ऑफिसवर धमाकेदार ओपनिंग केली आहे. तिकिटांची मागणी लक्षात घेऊन अनेक शहरांमध्ये सकाळी 5 वाजता शो सुरू झाले आणि रात्री उशिरापर्यंत सुरू होते. मल्टिप्लेक्स व्यतिरिक्त, चित्रपटाने सिंगल स्क्रीन थिएटरमध्ये देखील चांगली ओपनिंग घेतली आहे. चित्रपटाची क्रेझ मोठ्या शहरांबरोबरच छोट्या शहरांमध्येही आहे. चित्रपटाची एडवांस बुकिंग चांगली झाली असून बहुतांश शो हाऊसफुल्ल झाले आहेत. तिकीट दरातही वाढ करण्यात आल्याने पहिल्याच दिवशी कलेक्शनचा विक्रम मोडीत निघेल अशी अपेक्षा आहे. सुमारे 50 कोटींचे संकलन अपेक्षित आहे. विशेष म्हणजे या वर्षी प्रदर्शित झालेल्या शाहरुख खानच्या ‘पठाण’ चित्रपटानेही बॉक्स ऑफिसवर चांगले यश मिळवले. ‘जवान’चे दिग्दर्शन अॅटली यांनी केले आहे. या चित्रपटात शाहरुख खान, नयनतारा आणि विजय सेतुपती यांच्या प्रमुख भूमिका आहेत. दीपिका पदुकोणही छोट्या पण खास भूमिकेत दिसली आहे.