आचारसंहिता उल्लंघनाच्या 79 हजार हून अधिक तक्रारी

नवी दिल्ली ः लोकसभा निवडणुकीचा बिगुल वाजल्यापासून देशभरात आचारसंहिता सुरू झाली आहे. मात्र आचारसंहितेचे उल्लंघन करण्याचे गंभीर प्रकार देखील समोर आले आहेत. आचारसंहिता उल्लंघनाचे प्रमाण मोठ्या प्रमाणावर असून, भारतीय निवडणूक आयोगाकडे सीव्हीआयजीआयएल अ‍ॅपद्वारे तब्बल 79 हजाराहून अधिक तक्रारी प्राप्त झाल्याचे समोर आले आहे. आयोगाने यापैकी 99 टक्क्यांहून अधिक तक्रारींचे निवारण करण्यात आले आहे.
लोकसभा निवडणुकीची घोषणा केल्यानंतर आचारसंहिता उल्लघंनाच्या तक्रारीसाठी प्रत्येक जिल्हाधिकारी कार्यालयात आचार संहिता कक्षाची स्थापना करण्यात आली होती. त्यासोबतच सीव्हीआयजीआयएल या अ‍ॅपद्वारे ऑनलाईन तक्रारी करता येत आहेत. या अ‍ॅपद्वारे तक्रार आणि त्या तक्रारीसंदर्भातील पुरावा अपलोड करावा लागत होता. त्यामुळे देशभरातून या अ‍ॅपद्वारे मोठ्या प्रमाणात तक्रारी दाखल झाल्या होत्या. त्या बहुतांश तक्रारीचे निवारण निवडणूक आयोगाने केले आहेत. आचारसंहिता भंगांच्या सर्वाधिक तक्रारी या बेकायदेशीर बॅनर होर्डिंगबाबत 58 हजार 500 तक्रारी दाखल करण्यात आल्याचे आयोगाने म्हटले आहे, तर 1,400 तक्रारी पैसे, भेटवस्तू आणि दारूच्या वितरणाबाबत आहेत. तीन टक्के तक्रारी मालमत्तेच्या नुकसानीच्या होत्या. गुंडगिरीच्या 535 तक्रारींपैकी 529  तक्रारींचे निराकरण करण्यात आले आहे. निषिद्ध कालावधी नंतरच्या प्रचाराशी संबंधित एक हजार तक्रारी होत्या. 16 मार्च रोजी सात टप्प्यातील निवडणुकांची घोषणा करण्यात आली होती आणि मतदान 19 एप्रिलपासून सुरू होईल, जे 1 जूनपर्यंत चालेल. 4 जून रोजी निकाल जाहीर होणार आहेत. बंदुकांचे प्रदर्शन आणि धमकावण्याबाबत 535 तक्रारी प्राप्त झाल्या होत्या त्यापैकी 529 निराकरण करण्यात आले आहे. शिवाय, 1,000 तक्रारी निषिद्ध कालावधीच्या पलीकडे प्रचारासाठी होत्या, ज्यात परवानगी दिलेल्या वेळेपेक्षा जास्त वेळ स्पीकर्स वापरल्याचा समावेश आहे. सीविजिल हे मोबाईल ऍप्लिकेशन आहे ज्यावर नागरिकांना राजकीय गैरवर्तनाच्या घटनांच्या तक्रारी करता येतात. मतदान पॅनेलने म्हटले आहे की सीव्हीआयजीआयएल एक प्रभावी साधन बनले आहे आणि निवडणूक पर्यवेक्षण आणि प्रचारातील गोंधळ कमी करण्यासाठी ही एक महत्त्वपूर्ण झेप आहे.