अल्पवयीन मुलीवर विनयभंग; आरोपीस तीन वर्षांची शिक्षा

म्हसवड / वार्ताहर : अल्पवयीन मुलीला मारहाण करून विनयभंग केल्याप्रकरणी दादा पांडुरंग खांडेकर (वय 40, रा. खांडेकरवस्ती, म्हसवड, ता. माण, जि. सातारा) यास तीन वर्षे कारावास व एक हजार रुपये दंड अशी शिक्षा वडूज जिल्हा न्यायालयाने ठोठावली आहे.
याबाबत म्हसवड पोलीस ठाण्यातून मिळालेली माहिती अशी, दि. 4 सप्टेंबर 2020 रोजी सायंकाळी 4 वाजण्याच्या सुमारास म्हसवड, ता. माण, जि. सातारा गावचे हद्दीत रोडला असलेले महादेव मळा येथे फिर्यादीच्या शेतात म्हशी चारण्यासाठी गेलेल्या दोन अल्पवयीन मुलींवर आरोपीने पाठलाग केला. त्यातील एक मुलगी पळून गेल्यावर दुसर्‍या मुलीला खाली पाडून तिच्यावर अश्‍लील प्रकार केला. तिच्या मनाला लज्जा उत्पन्न होईलअसे कृत्य करत हाताने मारहाण केली. तसेच फिर्यादीस धक्काबुक्की केल्याचा म्हसवड पोलीस ठाण्यात गुन्हा दाखल झाला होता. गुन्ह्याचा तपास सपोनि गणेश वाघमोडे व सपोनि बाजीराव ढेकळे यांनी करत वैद्यकीय व कागदोपत्री पुरावे गोळा करून दोषारोपपत्र जिल्हा सत्र न्यायालय, वडूज येथे दाखल केले. साक्षीदारांचे जाब-जबाब, कागदोपत्री पुरावा, वैद्यकीय पुरावा व सरकारी वकिलांचा युक्तीवाद ग्राह्य धरून जिल्हा व सत्र न्यायाधीश एन. एस. कोलेे यांनी आरोपी दादा पांडुरंग खांडेकर दोषी ठरवून याला दोषी ठरवून 3 वर्ष सश्रम कारावास व 1000 रुपये दंड आणि दंड न भरलेस 1 महिन्याच्या साधी कैद व 3 महिने साधी कैद अशी शिक्षा सुनावली. प्रॉसिक्युशन स्न्वॉड पो. उप. नि. दत्तात्रय जाधव, म. पो. हवा. विजयालक्ष्मी दडस, पो. कॉ. अमीर शिकलगार, पो. कॉ. सागर सजगणे, पो. कॉ. जयवंत शिंदे यांनी सहकार्य केले.