माजलगाव नगरपालिका 10 दिवसांपासून बंद

बीड : मराठा आरक्षणासाठी उभारण्यात आलेल्या आंदोलनादरम्यान आंनदोलकांनी अनेक ठिकाणी तोडफोड व जाळपोळ केली होती. यात बीड जिल्ह्यातील माजलगाव नगरपालिकेत देखील जाळपोळ झाली होती. तेव्हापासून म्हणजे मागील 10 दिवसांपासून नगरपरिषदेचे कामकाज अजूनही बंदच आहे. परिणामी सर्व कामे रखडलेली आहेत. मराठा आरक्षणाच्या मागणीसाठी मराठा समाजाच्यावतीने राज्यभरात आंदोलन उभारण्यात आले होते. या आंदोलनादरम्यान माजलगाव नगरपालिका कार्यालय देखील पेटविले होते. या घटनेला 10 दिवस उलटले असून यानंतर अद्याप येथील कामकाज नव्याने सुरु झालेले नाही.