जखमी सूर्यकुमारची हटके पोस्ट; चाहत्यांनी दिल्या भन्नाट प्रतिक्रिया

भारतीय संघाचा मधल्या फळीतील फलंदाज सूर्यकुमार यादव घोट्याच्या दुखापतीमुळे बराच काळ टीम इंडियातून बाहेर आहे. दक्षिण आफ्रिकेविरुद्धच्या मालिकेत त्याला ही दुखापत झाली होती. सूर्याने त्याच्या दुखापतीचा एक व्हिडिओ शेअर केला आहे, ज्यामध्ये तो पायावर प्लास्टर घातलेला दिसत आहे. यासोबतच तो क्रॅचच्या साहाय्याने चालताना दिसत आहे. हा व्हिडिओ शेअर करण्यासोबतच त्याने लिहिले की, तो लवकरच पूर्णपणे तंदुरुस्त होऊन परतणार आहे व्हिडीओ शेअर करताना सूर्यकुमार यादवने लिहिले की, “गंभीरपणे, मी सांगू इच्छितो की दुखापती कधीच मजेदार नसतात. तथापि, मी ते माझ्या पद्धतीने हाताळेन आणि लवकरच पूर्णपणे तंदुरुस्त होण्याचे वचन देतो. तोपर्यंत. मला आशा आहे. तुम्ही सर्वजण सुट्टीचा आनंद लुटत आहात आणि दररोज छोट्या छोट्या आनंदाचा आनंद घेत आहात.”

सूर्यकुमारने शेअर केलेल्या व्हिडीओमध्ये वेलकम चित्रपटातील एक डायलॉगही वाजत आहे. “माझा एक पाय कृत्रिम आहे, मी मोठा हॉकीपटू होतो, पण मी उदयभाईंना चिडवले…” असे या संवादात म्हटले आहे. नुकत्याच संपलेल्या दक्षिण आफ्रिकेविरुद्धच्या मालिकेत सूर्यकुमार यादवला ही दुखापत झाली होती. या घोट्याच्या दुखापतीमुळे तो अफगाणिस्तानविरुद्धच्या टी-20 मालिकेत खेळू शकणार नाही. अफगाणिस्तानविरुद्धची टी-20 मालिका 11 जानेवारीपासून सुरू होणार आहे.