नागपूर शहरातील सक्करदरा पुलावर भीषण अपघात

नागपूर प्रतिनिधी : नागपूर शहरातील सक्करदरा पुलावर भीषण अपघात झाला आहे. भरधाव कार अनियंत्रित होऊन दुचाकींना धडकली. ज्यामुळे दुचाकीस्वार पुलाच्या खाली फेकले गेले आहेत. या अपघातात दुचाकीवरील एकाच कुटुंबातील चौघांचा घटनास्थळीच मृत्यू  झाला आहे. पोलिसांनी आरोपी कार चालक गणेश आढावला ताब्यात घेतले आहे. पोलिसांच्या माहितीनुसार आरोपी कारचालक हा मित्राची कार घेऊन बुट्टीबोरीला जात होता. पुलावर गर्दी नसल्याने आरोपी कार चालकाने विरुद्ध दिशेने कार भरधाव वेगाने पळवण्याचा प्रयत्न केला असता सदरील अपघात घडला आहे.