द्वारकामध्ये एकाच कुटुंबातील चौघांचा मृत्यू

गांधीनगर ः गुजरातच्या द्वारका परिसरातील एका घराला अचानक आग लागली. घराला आग लागली तेव्हा कुटुंबातील सदस्य घरामध्येच होते. आगीने रौद्ररुप धारण केल्याने कुटुंबीयांचा जीव गुदमरू लागला. या घटनेत एका लहान बालकासह 4 जणांचा मृत्यू झाला आहे. पोलिसांना या घटनेची माहिती मिळताच त्यांनी तात्काळ घटनास्थळी धाव घेतली. तसेच अग्निशमन दलाची वाहने देखील घटनास्थळी दाखल झाली. आगीवर पूर्णपणे नियंत्रण मिळवण्यात यश आले आहे. सदर घटनेमुळे परिसरात एकच खळबळ उडाली.