उद्योजक हेमंत पारखचे अपहरणकर्ते अटकेत

नाशिक ः नाशिकमधील बांधकाम व्यावसायिक हेमंत पारख यांच्या अपहरण प्रकरणात नाशिक पोलिसांनी मोठी कारवाई केली आहे. दरम्यान, पारख यांना सुरतजवळ सोडल्यानंतर ते सुखरूप घरी आले. मात्र अपहरण केल्यानंतर जीवे ठार मारण्याची धमकी देऊन कोटी रुपयांची खंडणी संशयितांनी वसूल केली. या प्रकरणी तपास सुरु असताना परराज्यातील सराईत गुन्हेगारांना पोलिसांनी मोठ्या शिताफीने व थरार पद्धतीने अटक केली आहे. नाशिक येथील बांधकाम व्यावसायिक हेमंत पारख यांचे शहरातील इंदिरानगर परिसरातील राहत्या घराबाहेरुन 2 सप्टेंबरला अपहरण करण्यात आल्याने खळबळ उडाली होती.