डोंबिवलीमध्ये पुन्हा कंपनीला आग

मुंबई ः डोंबिवली एमआयडीसीमध्ये कंपन्यांमध्ये आग लागण्याचे सत्र सुरूच असून, बुधवारी सकाळी पुन्हा फेज-2 मध्ये आग लागली. या वेळी स्फोटांचे मोठे आवाज आल्यामुळे परिसरातील नागरिकांमध्ये भीतीचे वातावरण पसरले आहे. कंपनीमध्ये अनेक कामगार अडकले असल्याची भीती व्यक्त होत आहे. आग एवढी प्रचंड आहे की, दुरपर्यंत स्फोटाचे आवाज आणि धुराचे लोट पसरले आहेत. या परिसरात अभिनव नावाची शाळा देखील आहे. त्यामुळे भीती जास्त वाढली होती. मात्र, शाळेतील विद्यार्थ्यांना तात्काळ घरी पाठवण्यात आले आहे.