राज्यात पुन्हा थंडीची झुळूक

मुंबई/प्रतिनिधी ः राज्यात गेल्या चार दिवसांपासून  तापमानाचा पारा वाढलेला असताना मध्य मराठवाडा आणि विदर्भाच्या काही भागांत दोन दिवस तापमानात घट होण्याची शक्यता हवामान विभागाने वर्तवली आहे. उत्तर विदर्भ व उत्तर महाराष्ट्राच्या काही भागात याचा प्रभाव अधिक असेल. राज्यातील तापमानात सातत्याने चढउतार होत आहेत. धुळे, पुणे नाशिक, आणि औरंगाबाद येथे किमान तापमानात 10 अंश सेल्सियसच्या आसपास तापमान नोंदवले गेले. विदर्भासह मराठवाड्यातही तापमानात घट झाली आहे.