वांद्रे-वरळी सी लिंकवरून उडी मारून व्यावसायिकाची आत्महत्या

मुंबई ः मुलाशी व्हॉट्सअ‍ॅपवर व्हिडिओ कॉलवरून संभाषण केल्यानंतर मुंबईतील एका व्यावसायिकाने वांद्रे-वरळी सी लिंकवरून समुद्रात उडी मारून आत्महत्या केल्याची घटना मुंबईत घडली आहे. भावेश सेठ असे मृत व्यक्तीचे नाव आहे. ते 56 वर्षांचे होते. 3 तासांच्या अथक प्रयत्नांनंतर अग्निशमन दलाला त्यांचा मृतदेह शोधून काढण्यात यश आले. व्यवसायात नुकसान झाल्याने भावेश सेठ आर्थिक विवंचनेत सापडले होते. त्यातून त्यांनी हे टोकाचे पाऊल उचलल्याचा दावा केला जात आहे.