अहिल्यानगर : महाकुंभसाठी भास्करगिरीजी महाराज व स्वामी प्रकाशानंदगिरी महाराजांचे प्रयागराजकडे प्रस्थान

नेवासा : प्रयागराज येथील महाकुंभ स्नान सोहळयासाठी नेवासा तालुक्यातील  श्री क्षेत्र देवगड येथील श्री गुरुदेव दत्त पिठाचे महंत राष्ट्र संत गुरुवर्य श्री भास्करगिरीजी महाराज यांचे गुरुवारी दुपारी तर शुक्रवारी स्वामी प्रकाशानंदगिरीजी महाराजांचे देवगड येथून प्रयागराजकडे प्रस्थान झाले.

    गुरुवारी प्रस्थानापूर्वी देवगड संस्थानचे उत्तराधिकारी स्वामी प्रकाशानंदगिरीजी महाराज व बाबासाहेब मुरदारे यांच्या हस्ते गुरुवर्य बाबांचे पूजन करण्यात आले.तब्बल १४४ वर्षांनी आलेल्या प्रयागराज महाकुंभ स्नान सोहळयासाठी गुरुवर्य बाबाजीच्या प्रस्थानंतर  स्वामी प्रकाशानंदगिरीजी महाराज, त्रिवेणीश्वर देवस्थानचे महंत रमेशानंदगिरीजी महाराज यांनी देखील प्रयागराज महाकुंभ स्नानासाठी शुक्रवारी  प्रयागराजकडे प्रस्थान केले आहे

     यावेळी भक्त परिवाराच्या वतीने संतसेवक नामदेव महाराज कंधारकर,बाबासाहेब मुरदारे,रामकृष्ण मुरदारे, सरपंच अजय साबळे,महेंद्र फलटणे,प्रसाद मुरदारे बाळु महाराज कानडे, दत्ता महाराज शिंदे,शुभम मुरदारे, शुभम बनकर,भेंडा भक्त मंडळ सेवेकरी,शांतीलाल वरखडे गणेश मुरदारे, तात्या कोरेकर,संदीप साबळे,शुभम लहारे यांच्यासह उपस्थित भाविकांनी त्यांचे स्वागत करत प्रयागराज महाकुंभ स्नान सोहळयास शुभेच्छा दिल्या.

       तब्बल १४४ वर्षांनी आलेल्या प्रयागराज महाकुंभ स्नान सोहळयासाठी निघालेल्या गुरुवर्य भास्करगिरीजी बाबा व उत्तराधिकारी  स्वामी प्रकाशानंदगिरीजी महाराज, त्रिवेणीश्वर देवस्थानचे महंत रमेशानंदगिरीजी महाराज यांचे प्रयागराज महाकुंभ स्नानाच्या प्रस्थान प्रसंगी भाविक मोठ्या संख्येने उपस्थित होते.तोफांच्या सलामीने यावेळी भाविकांनी स्वागत केले.