खदानीच्या डबक्यात बुडून मायलेकाचा दुर्दैवी मृत्यू.

यवतमाळ  प्रतिनिधी-  यवतमाळ(Yavatmal) मध्ये मायलेकाचा  बुडून मृत्यू  झाल्याच्या हृदयद्रावक घटना समोर आली आहे. या घटनेमुळे संपूर्ण जिल्ह्यात हळहळ व्यक्त केली जातेय. शेतात कामासाठी हे आई आणि मुलगा यवतमाळमध्ये आले होते. खदाणीच्या डबक्यात कपडे धुण्यासाठी आई आणि मुलगा गेले होते. अंघोळ करुन येतो, असं म्हणत मुलगा आईला सांगून खदाणीच्या डबक्यातील पाण्यात उतरला. मुलगा बुडतोय हे पाहून काय करावं आईला सुचले नाही. मुलाला वाचवण्यासाठी आईनेही पाण्यात उडी घेतली. पण मुलाला वाचवण्याच्या प्रयत्नात असताना आईचाही बुडून मृत्यू झाला. रुपाली शिंदे(Rupali Shinde) आणि भोला असे मृत मायलेकाचे नाव आहे.