तेलीखूंटला घरफोडीत 41 हजाराची चोरी

अहमदनगर : तेलीखुंट येथे घरफोडी करीत चोरट्यांनी 40 हजार 900 रूपयांचा ऐवज चोरून नेला. ही घटना दि. 1 डिसेंबर रोजी घडली. याप्रकरणी संदीप अशोक शेंदूरकर (रा. पॉवर हाऊसजवळ तेलीखूंट) यांनी तोफखाना पोलिस ठाण्यात फिर्याद दिली आहे. अज्ञात चोरट्यांनी घराचे कुलूप तोडून घरात प्रवेश केला. घरातील सामानाची उचकापाचक करून चांदीचे नाणे, दोन पितळी डबे व रोख रक्कम असा एकूण 40 हजार 900 रूपयांचा ऐवज चोरून नेला, असे फिर्यादीत म्हटले आहे. याप्रकरणी तोफखाना पोलिस ठाण्यात अज्ञात चोरट्यांविरोधात घरफोडीच्या गुन्ह्याची नोंद करण्यात आली आहे. या घटनेचा पुढील तपास पोना कांबळे करीत आहेत.