वडिलांना झालेल्या मारहाणीचा घेतला बदला.

दिल्ली प्रतिनिधी- दिल्ली(Delhi) तील जहांगीरपुरी(Jahangirpuri) भागात एका अल्पवयीन मुलाने वडिलांना झालेल्या मारहाणीचा बदला घेण्यासाठी, एका तरुणावर गोळी झाडल्याची खळबळजनक घटना घडली आहे. घटनेच्या वेळी जखमी मुलगा पार्कजवळ बसला होता. यावेळी तीन अल्पवयीन मुलं तेथे आले आणि त्यांतील एकाने त्याच्यावर गोळी झाडली व तेथून पळ काढला. गोळी जखमी तरुणाच्या डोळ्यावर लागली आहे. त्याला उपचारासाठी रुग्णालयात दाखल करण्यात आले आहे. सध्या त्याची प्रकृती स्थिर आहे. याप्रकरणी जहांगीरपुरी पोलिसांनी(Jahangirpuri Police) आयपीसीच्या कलम 307 नुसार, गुन्हा दाखल केला आहे.