पावसामुळे पत्त्यांच्या बंगल्याप्रमाणे कोसळली इमारत.

अमरावती प्रतिनिधी- राज्यात सध्या मुसळधार पाऊस सुरू आहे. त्यामुळे नदी नाले हे तुडुंब भरून वाहत आहे. यादरम्यान अमरावती(Amravati) मध्ये एक थरकाप उडवणारी घटना घडली आहे.त्याचा व्हिडिओ सोशल मीडियाला जोरदार व्हायरल होत आहे. यामध्ये अमरावतीमधील एक दुमजली इमारत जमीनदोस्त झाल्याचे पाहायला मिळत आहे. अमरावती शहरातील गांधी चौक-राजापेठ रोडवर(On Gandhi Chowk-Rajapeth Road) असलेली एक दुमजली इमारत कोसळली. काल रात्रीच इमारतीचा काही भाग कोसळला होता. त्यामुळे प्रशासनाने खबरदारी म्हणून सर्व इमारत रिकामी केली होती. त्यामुळे प्रशासनाच्या सतर्कतेमुळे सुदैवाने या दुर्घटनेत कोणतीही जीवितहानी झालेली नाही.