पाटणा शहरातील गोळीबारात दोघांचा मृत्यू

पाटणा ः बिहारच्या फतुहाच्या जेठुली गावात पार्किंगवरून झालेल्या वादात 2 जणांचा मृत्यू झाला आहे. त्यानंतर गावात सोमवारी सलग दुसर्‍या दिवशी तणावाचे वातावरण आहे. पीडित गटाने सोमवारी सकाळी या प्रकरणातील मुख्य आरोपी बच्चा रायचा भाऊ उमेश राय याचे घर, गोदाम व मॅरेज हॉल पेटवून देण्यात आले. दुपारी साडे 12 च्या सुमारास अंत्यसंस्कार करून परतणार्‍या जमावाने पोलिसांवर दगडफेक केली. यामुळे पोलिसांनी स्वसंरक्षणार्थ हवेत गोळीबार केला. यामुळे याठिकाणी तणावाची स्थिती निर्माण झाली आहे.