ट्रम्पचा अमेरिकन भारतीयांना दणका!

अमेरिकेच्या राष्ट्राध्यक्ष पदाची सूत्रे आगामी जानेवारी महिन्यात डोनाल्ड ट्रम्प हे आपल्या हाती घेणार आहेत. मात्र, ज्या दिवशी ते आपल्या अध्यक्षपदाच्या सत्तेची सूत्रे हाती घेतील, त्याच दिवसापासून अमेरिकेचे नागरिकत्व मिळण्यासाठी अमेरिकेत जन्म घेणं, हे आता यापुढे चालणार नाही, असे सांगत त्यांनी अमेरिकेच्या १४ व्या घटना दुरुस्तीत बदल करण्याचे संकेत दिले. तर, जे नागरिक मूळ अमेरिकेचे रहिवासी आहेत त्यांच्याच मुलांना जन्म झाल्याबद्दल अमेरिकन नागरिकत्व प्राप्त होईल. यामुळे, १५० वर्षापासून अमेरिकेत जन्म घेणाऱ्या कोणत्याही मुलाला अमेरिकन नागरिकत्व प्राप्त होत असल्याचा हा कायदा व संविधानातील चौदाव्या घटनादुरुस्तीनत बदल करण्यात येणार असल्याचे संकेत त्यांनी दिले. यापुढे प्रवासी व्हिसा किंवा स्टडी व्हिसावर अमेरिकेत वास्तव्य करणाऱ्या नागरिकांना जर इथे मूलबाळ झाले तर, त्यांना अमेरिकेचे नागरिकत्व मिळणार नाही  जन्मसिद्ध नागरिकत्व बदलल्यास, ग्रीन कार्ड किंवा एच-बी१ व्हिसा असलेल्या भारतीय पालकांसाठी यूएसमध्ये जन्मलेल्या मुलांसाठी अडचणी निर्माण होऊ शकतात. अमेरिकेत जन्मलेल्या भारतीयांची मुले आपोआप यूएस नागरिक होऊ शकत नाहीत आणि त्यांना नैसर्गिकीकरण प्रक्रियेतून जाण्याची किंवा इतर कायदेशीर उपाय शोधण्याची आवश्यकता असू शकते. नुकत्याच झालेल्या मुलाखतीत, डोनाल्ड ट्रम्प यांनी जन्मसिद्ध नागरिकत्व संपुष्टात आणण्याच्या त्यांच्या उद्दिष्टावर चर्चा केली. परंतु, ते कसे साध्य करतील याबद्दल ते स्पष्ट नव्हते. त्यांनी संभाव्यत: कार्यकारी आदेश वापरून सुचवले, परंतु १४ व्या दुरुस्तीमध्ये बदल आवश्यक असण्याची शक्यता देखील नमूद केली. अनेक लोकांनी असा युक्तिवाद केला आहे की जन्मसिद्ध नागरिकत्व संपुष्टात आणल्याने देशाचे खूप नुकसान होईल. प्रो-इमिग्रेशन कॅटो इन्स्टिट्यूटचे आर्थिक आणि सामाजिक धोरण अभ्यासाचे उपाध्यक्ष ॲलेक्स म्हणाले, “आमचा एक मोठा फायदा म्हणजे येथे जन्मलेले लोक नागरिक आहेत, ते बेकायदेशीर अंडरक्लास नाहीत. स्थलांतरित आणि त्यांच्या मुलांचे एकत्रीकरण अधिक चांगले आहे. जन्मसिद्ध नागरिकत्वामुळे. “ॲलेक्स यांच्या मते, “ट्रम्प यांची विधाने फारसे गांभीर्याने घेता येत नाही. कारण, ते जवळजवळ एक दशकापासून अशा गोष्टी बोलत आहेत. आधी अध्यक्ष असताना देखील त्यांनी हा अजेंडा पुढे नेण्यासाठी काहीही केले नाही. युनायटेड स्टेट्समध्ये जन्मलेल्या बेकायदेशीर स्थलांतरितांची मुले नागरिक नाहीत, या त्याच्या कायदेशीर सिद्धांताला कायदा आणि न्यायाधीश एकसमान विरोध करतात.” अमेरिकेत ५४ लाखाहून अधिक भारतीय अमेरिकन आहेत, जे एकूण लोकसंख्येच्या १.४७ टक्के आहेत. त्यापैकी, दोन तृतीयांश पेक्षा जास्त भारतातून स्थलांतरित आहेत, तर ३४ टक्के अमेरिकेत जन्मलेले आहेत. २०१९ मध्ये, स्थलांतर धोरण संस्थेने दिलेल्या अहवाल नुसार १८ वर्षांखालील चौपन्न लाख मुले यूएसमध्ये किमान एक पालकासोबत वास्तव्य करित असून ते कागदोपत्री स्थलांतरित होते, अमेरिकन बालकांच्या लोकसंख्येच्या७ टक्के ही बालके आहेत. २०१५ मध्ये राष्ट्राध्यक्षपदासाठी ट्रम्प यांच्या प्रचारादरम्यान गैर-पक्षीय थिंक टँकने म्हटले होते की, जन्मसिद्ध नागरिकत्व रद्द केल्यास देशातील लोकांची संख्या बेकायदेशीरपणे “फुगत” जाईल, त्यामुळे, अधिक प्रश्न निर्माण होतील. भारतीय नागरिक खासकरून ते जे भारतात आर्थिक घोटाळे करून अमेरिकेत पळ काढतात, त्यांच्या दुसऱ्या पिढीला या बाबी जाचक ठरतील.