गाव गुंडांकडून तरुणाला बेदम मारहाण

नालासोपारा प्रतिनिधी- नालासोपारामधून एक धक्कादायक घटना समोर आली आहे.  गाव गुंडांकडून तरुणाला बेदम मारहाण करण्यात आली आहे. हा मारहाणीचा सर्व प्रकार सीसीटीव्हीमध्ये कैद झाला आहे. विशेष म्हणजे या गाव गुंडांच्या टोळीत महिलेचा देखील समावेश आहे.  अमन पासवान असं या पीडित तरुणाचं नाव आहे. तो नालासोपारा पूर्वमधील धानीवबाग परिसरातील रहिवाशी आहे. या मराहाणीत अमन पासवान या तरुणाच्या डोक्याला गंभीर दुखापत झाली असून, त्याच्यावर सध्या रुग्णालयात उपचार  सुरू आहेत. या प्रकरणात सात जणांविरोधात गुन्हा दाखल करण्यात आला आहे. गुन्हा दाखल करण्यात आलेल्यांपैकी चार जणांना अटक देखील करण्यात आली आहे.