प्रसारमाध्यमांच्या दणक्याने धुळे ते सोलापूर राष्ट्रीय महामार्गावरील भगदाड बुजले:- डॉ.गणेश ढवळे

बीड प्रतिनिधी – धुळे ते सोलापूर राष्ट्रीय महामार्ग क्रमांक 52 मार्गावर मांजरसुंभा येथे ब-याच दिवसांपासून भगदाड पडलेले होते.दि.03 जुलै रोजी याची तक्रार सामाजिक कार्यकर्ते डॉ.गणेश ढवळे लिंबागणेशकर यांनी केंद्रीय मंत्री नितीन गडकरी व महाव्यवस्थापक तथा प्रकल्प संचालक राष्ट्रीय राजमार्ग प्राधिकरण औरंगाबाद यांना केली होती.याची प्रसारमाध्यमांनी दखल घेत तातडीने भगदाड बुजविण्यात आले असून प्रसारमाध्यमांच्या दणक्याने राष्ट्रीय महामार्ग अधिकारी व कर्मचार्‍यांना खडबडून जाग आल्यानंतर भगदाड बुजवल्याने संभाव्य अपघात टळले असुन याबद्दल नागरीकांनी समाधान व्यक्त केले आहे.
बीड तालुक्यातून जाणा-या धुळे ते सोलापूर राष्ट्रीय महामार्ग क्रमांक 52 या मार्गावर मांजरसुंभा येथील बीडकडे जाण  जाणा-या उड्डाणपूलाच्या पायथ्याशी मोठ्या प्रमाणात भगदाड पडले ब-याच दिवसांपासून पडलेले होते.दि.3 जुलै रोजी डॉ.गणेश ढवळे यांनी केंद्रीय रस्ते वाहतूक मंत्री नितीन गडकरी व महाव्यवस्थापक तथा प्रकल्प संचालक राष्ट्रीय राजमार्ग प्राधिकरण औरंगाबाद यांना लेखी तक्रार करून संभाव्य अपघातांची कल्पना दिल्यानंतर व याची सर्वंच प्रसारमाध्यमांनी दखल घेतल्यानंतर दोन दिवसात भगदाड बुजविण्यात आले आहे.