नालासोपार्‍यात आढळला आठ वर्षीय मुलीचा मृतदेह

नालसोपारा ः नालासोपारा शहरातून काळजाचा थरकाप उडवणारी एक घटना समोर आली आहे. एका बंद खोलीत 8 वर्षीय मुलीचा मृतदेह आढळून आला. एका बैठ्या चाळीतील बंद खोलीत प्लास्टिकच्या गोणीत मुलीचा मृतदेह कुजलेल्या अवस्थेत होता. पोलिसांना घटनेची माहिती मिळताच त्यांनी तात्काळ घटनास्थळी धाव घेतली. तसेच मृतदेह ताब्यात घेतला असून शवविच्छेदनासाठी पाठवण्यात आला आहे. मुलगी वसई फाटा येथील वाण्याचा पाडा परिसरात आपल्या कुटुंबासह राहत होती.