उपमुख्यमंत्री देवेंद्र फडणवीस यांना धमकीचा फोन करणारा आरोपी पोलिसांच्या ताब्यात 

नागपूर प्रतिनिधी – उपमुख्यमंत्री देवेंद्र फडणवीस यांच्या नागपूर येथील घराबाहेर बॉम्ब ठेवल्याच्या धमकीचा फोन आला होता. या प्रकऱणी एका आरोपीला पोलिसांनी ताब्यात घेतलं आहे. रात्री  नागपूर पोलिसांच्या कंट्रोल रुमला मध्यरात्री दोन वाजता एका व्यक्तीने फोन केला. त्याने देवेंद्र फडणवीस यांच्या घराबाहेब बॉम्ब ठेवल्याचे सांगत धमकी दिली. त्यानंतर पोलिसांनी तातडीने फडणवीसांच्या घरी घेत बॉम्ब शोधक पथक आणि पोलीस सुरक्षा वाढवली. तसेच फोन करणाऱ्यालाही अटक केली. फोन करणारा व्यक्ती हा नागपूरच्या कन्हान भागातील राहणारा असून घरची वीज गेली म्हणून रागाच्या भरात बॉम्ब ठेवल्याचा फोन केला. अशी प्राथमिक माहिती पोलिसांनी दिली आहे.