बॅलेट पेपर आणि तेलंगणा नगरपालिका निवडणूक !

तेलंगणात ११ फेब्रुवारी रोजी झालेल्या ११६ नगरपालिकांपैकी किमान ८३ आणि सातपैकी पाच महानगरपालिका काॅंग्रेसने जिंकून बॅलेट पेपरवर निवडणुका घेऊन विजय संपादन केला आहे. काँग्रेसने मंचेरियाल, रामागुंडम आणि नालगोंडा महानगरपालिकांमध्ये बहुमत मिळवले आणि ६० सदस्यांच्या सभागृहात २९ जागांसह महबूबनगर बीआरएसकडून हिसकावून घेतली आहे. पक्षाला त्यांच्या मित्रपक्ष सीपीआयच्या मदतीने कोठागुडेम महापालिका देखील जिंकता आली आहे. करीमनगर आणि निजामाबाद महानगरपालिकांमध्ये भाजपने सर्वात मोठा पक्ष म्हणून उदयास येत आश्चर्यचकित केले आणि बीआरएसचे राजकीय खाते गोठवले. १६ फेब्रुवारी रोजी म्हणजे नगरपालिका अध्यक्ष आणि महापौरांची निवड झाली आहे. १२३ शहरी स्थानिक स्वराज्य संस्थांमधील २,९९६ वॉर्डांपैकी, काँग्रेसची १,५३७ वॉर्डांची संख्या २०२० च्या महानगरपालिका निवडणुकीत जिंकलेल्या ५६९ जागांपेक्षा खूपच जास्त आहे. डिसेंबर २०२५ च्या जिल्हा परिषद, पंचायत समिती निवडणुकीतही पक्षाने चांगली कामगिरी केली होती आणि बहुसंख्य पंचायती जिंकल्या होत्या. मुख्यमंत्री ए रेवंत रेड्डी यांनी या निकालाचे वर्णन गेल्या दोन वर्षातील काँग्रेस सरकारच्या कल्याणकारी आणि विकासाच्या अजेंड्याला मान्यता म्हणून केले. मतदार आणि पक्ष कार्यकर्त्यांचे आभार मानताना त्यांनी सांगितले की, जनादेशामुळे सरकारची जबाबदारी वाढली आहे. “या प्रचंड विजयासह, आम्ही राज्याच्या विकासासाठी, लोकांच्या कल्याणासाठी आणि पारदर्शक प्रशासनासाठी स्वतःला पुन्हा समर्पित करतो. आम्ही प्रत्येक नगरपालिका आणि महानगरपालिकांचा विकास करू आणि लोकांचा विश्वास जिंकत राहू,” असे रेवंत यांनी सोशल मीडिया पोस्टमध्ये म्हटले आहे. बीआरएसने २०२० मध्ये जिंकलेल्या १,६८६ वरून ७८१ वॉर्ड वर आले तर, केवळ १५ नगरपालिका त्यांनी जिंकल्या. भाजपने गेल्या वेळी २९३ वाॅर्डमध्ये विजय मिळविला होता. मात्र, यावेळी त्यांनी ३३५ वॉर्ड जिंकण्यापर्यंत मजल मारली आहे, तर एआयएमआयएमने मागील निवडणुकीत ८७ जागांच्या तुलनेत ७० जागा जिंकत आपला प्रभाव गमावला आहे. करीमनगर आणि निजामाबाद महानगरपालिकांमध्ये भाजपने बाजी मारली आहे. येथे १८१ जागा जिंकणारे पदसिद्ध सदस्य आणि अपक्ष हे अध्यक्ष आणि महापौरपदे निश्चित करण्यात महत्त्वाची भूमिका बजावतील अशी अपेक्षा आहे. कोठागुडेममध्ये, जिथे काँग्रेस आणि सीपीआयने प्रत्येकी २२ जागा जिंकल्या, महापौरपद सीपीआयकडे जाण्याची शक्यता आहे, परंतु रात्री उशिरा दोन्ही पक्षांमध्ये महापौरपदाचा उमेदवार निश्चित करण्यासाठी चर्चा सुरू आहे, असे सूत्रांनी सांगितले. अनेक यूएलबींनी त्रिशंकू निकाल दिले, ज्यामुळे तीव्र राजकीय खेळींना सुरुवात झाली. पळवापळवी चेआरोप समोर आले, पक्षांनी निवडून आलेल्या सदस्यांना हलवल्याचे देखील यात घडले आहे. राजकीय निरीक्षकांच्या मते, शहरी मतदारांनी काँग्रेसला निर्णायक फायदा दिला, तर बीआरएस आणि भाजपने स्पर्धात्मक आव्हान उभे केले. एका वरिष्ठ निरीक्षकाने सांगितले की, महापालिका निकालांमुळे राज्यस्तरीय राजकीय समीकरणांमध्ये लक्षणीय बदल होण्याची शक्यता कमी आहे, जरी ते डिसेंबर २०२३ च्या विधानसभा निवडणुकीपासून बदलत्या गतिमानतेचे प्रतिबिंब आहेत. भाजपचे प्रदेशाध्यक्ष एन. रामचंद्र राव म्हणाले की, पक्षाने आपली कामगिरी सुधारली आहे. त्यांनी दावा केला आहे की त्यांनी ३३० पेक्षा जास्त वॉर्ड जिंकले आहेत आणि सहा नगरपालिकांमध्ये सर्वात मोठा पक्ष म्हणून उदयास आला आहे. एआयएमआयएमने ६८ वॉर्ड जिंकले आहेत, भैंसा नगरपालिकेत सर्वात मोठा पक्ष म्हणून उदयास आला आहे आणि निजामाबाद महानगरपालिकेत चांगली कामगिरी नोंदवली आहे.