राष्ट्रीय हस्ताक्षर स्पर्धेत अंबाजोगाईची स्नेहा राजमाने राज्यात सर्वप्रथम

अंबाजोगाई प्रतिनिधी – नॅशनल हँडरायटींग कॉम्पीटीशन व नॅशनल हँडरायटींग ऑलिम्पियाड या राष्ट्रीय पातळीवरील स्पर्धेत सलग 4 थ्या वर्षी राज्यात प्रथम येण्याचा बहुमान पार्थ अकॅडमीने पटकावला आहे. अकॅडमीच्या स्नेहा औदुंबर राजमाने व इतर सुवर्णपदक प्राप्त गुणवंत विद्यार्थ्यांच्या सत्कार समारंभाचे आयोजन शनिवार, दि.10 जून रोजी अंबाजोगाई येथे करण्यात आले होते.
या कार्यक्रमाला अध्यक्ष म्हणून सुप्रसिद्ध मानसोपचार तज्ज्ञ डॉ.राजेश इंगोले तर विचारमंचावर प्रमुख पाहुणे म्हणून माजी नगराध्यक्ष राजकिशोर मोदी, युवा नेते अक्षय मुंदडा, अंबाजोगाई पत्रकार संघाचे अध्यक्ष संपादक अभिजीत जगताप (गाठाळ), रामराव आडे यांची प्रमुख उपस्थिती होती. प्रारंभी मान्यवरांकडून प्रतिमापूजन व दीपप्रज्ज्वलन करण्यात आले. त्यानंतर संयोजकांनी मान्यवरांचे सहर्ष स्वागत केले. यावेळी बोलताना माजी नगराध्यक्ष राजकिशोर मोदी म्हणाले की, पार्थ अकॅडमीचे गुणवंत विद्यार्थी हे अंबाजोगाईकरांचा अभिमान आहेत. सलग चौथ्या वर्षी राज्यात सर्वप्रथम येण्याची परंपरापार्थ अकॅडमीने कायम राखत ग्रामिण भागातील विद्यार्थ्यांना त्यांचा व्यक्तीमत्व विकास होण्यासाठी मोलाचे सहकार्य केले आहे, पार्थ अकॅडमीच्या माध्यमातून ग्रामीण भागातील विद्यार्थ्यांनी आपली स्वतंत्र ओळख निर्माण केली आहे असे गौरवोद्गार मोदी यांनी काढले. तर युवा नेते अक्षय मुंदडा यांच्या सांगितले की, चांगल्या हस्ताक्षराचे प्रशिक्षण देवून विनोद आडे यांनी अंबाजोगाई शहराचा नांवलौकिक राष्ट्रीय पातळीवर वाढवला आहे. चांगल्या हस्ताक्षरामुळे आत्मविश्वास वाढतो, करिअरच्या नव्या संधी उपलब्ध होतात, व्याकरण, हस्ताक्षर व ज्ञान संपादन करावे  असे आवाहन मुंदडा यांनी उपस्थित विद्यार्थ्यांना केले. तर संपादक अभिजीत जगताप यांनी पार्थ अकॅडमीच्या माध्यमातून विद्यार्थ्यांना विलक्षण आत्मविश्वास मिळतो. आडे सर खूप मेहनत घेतात. भविष्यात पार्थ अकॅडमी गुणवत्तेच्या बाबतीत टॉपला जाणार असा विश्वास जगताप यांनी व्यक्त केला. याप्रसंगी साक्षी आपेट, स्नेहा राजमाने, प्रिती आढाव आणि प्रणव कदम यांनी सत्काराला उत्तर दिले. तर अध्यक्षीय समारोप करताना डॉ.राजेश इंगोले यांनी सांगितले की, आपण डॉक्टर कसे झालो, अक्षरांचे महत्व काय असते. अंबाजोगाईचे नांव सर्वदूर पोहोचविणारी व विद्यार्थ्यांना राज्य, राष्ट्रीय पातळीवर गुणवत्ता सिद्ध करण्याची संधी देणारीपार्थ अकॅडमीअसल्याचे सांगून चांगले हस्ताक्षर हे माणसाचे मन जिंकून घेते, प्रयत्न करा, पुढे जा, यशस्वी व्हा, वळणदार व्यक्तीमत्व घडविण्यासाठी सुंदर हस्ताक्षर आवश्यक असल्याचे प्रतिपादन डॉ.इंगोले यांनी केले. प्रास्ताविक करताना पार्थअकॅडमीचे संचालक विनोद आडे यांनी अकॅडमीचे कार्य, उद्देश व आज पर्यंतचा प्रवास उलगडून दाखविला. आपले विद्यार्थी राज्य व राष्ट्रीय स्तरांवर यश मिळवत आहेत. यापुढे ही परंपरा अशीच कायम राखली जाईल असे सांगून पार्थ अकॅडमीच्या माध्यमातून मागील आठ वर्षांत बीड, लातूर, परभणी, धाराशिव, छत्रपती संभाजीनगर, पुणे, मुंबई, सातारा, नाशिक, कोल्हापूर येथील 2100 पेक्षा अधिक विद्यार्थी प्रशिक्षित केले आहेत. तर पुढील काळात राज्यातील 10 हजार विद्यार्थ्यांना प्रशिक्षित करणार असल्याचे विनोद आडे यांनी सांगितले. कार्यक्रमाचे सुत्रसंचालन ज्योती शिंदे यांनी करून उपस्थितांचे आभार गोरोबा कानवले यांनी मानले. या प्रसंगी मान्यवरांच्या हस्ते राष्ट्रीय हस्ताक्षर स्पर्धेतील सुवर्णपदक विजेते : ग्रुप – बी (5 वी ते 8वी) श्रीजा योगेशराव कुलकर्णी- प्रथम क्रमांक, शरयु बालाजी पडिले – द्वितीय क्रमांक, शिरीष गोरोबा कानवले – प्रथम क्रमांक यांचा सुवर्णपदक, प्रमाणपत्र, पुष्पगुच्छ देऊन तर राष्ट्रीय हस्ताक्षर स्पर्धेतील संपुर्ण राज्यातुन सर्वप्रथम आलेल्या स्नेहा औदुंबर राजमाने हिचा सन्मानचिन्ह, प्रमाणपत्र तसेच द एनसायक्लोपिडीया ऑफ ऍनीमल्स अ कम्प्लीट विज्युअल गाईड आणि रिडर्स डायजेस्ट रिव्हर्स डिक्शनरी हे दोन ग्रंथ तसेच पुष्पगच्छ देवून सन्मानित करण्यात आले. अकॅडमीचे संचालक विनोद आडे यांना पार्थ अकॅडमीस नॅशनल हॅन्डरायटिंग कॉम्पीटिशन व ऑलंम्पीयाड मध्ये उत्कृष्ट कामगिरी केल्याबद्दल प्रमाणपत्र, भेटवस्तु व पुष्पगुच्छ आणि सर्व सहभागी विद्यार्थ्यांना सहभाग प्रमाणपत्र देण्यात आले. राष्ट्रीय हस्ताक्षर स्पर्धा व ऑलंम्पीयाड स्पर्धेतील सुवर्णपदक विजेते : ग्रुप – ए (9 वी ते 12 वी), साक्षी आपेट – (प्रथम क्रमांक), ओमकेश आंधळे – (द्वितीय क्रमांक), प्रणव कदम (तृतिय क्रमांक) यांना सुवर्णपदक, सन्मानचिन्ह, प्रमाणपत्र, पुष्पगुच्छ देऊन सन्मानित करण्यात आले. सोबतच ग्रुप – बी (5 वी ते 8 वी) स्नेहा राजमाने (प्रथम क्रमांक ), ज्ञानदा वनवे (द्वितीय क्रमांक), प्रिती आढाव (तृतिय क्रमांक) यांना सुवर्णपदक, सन्मानचिन्ह, प्रमाणपत्र, पुष्पगुच्छ देऊन सन्मानित करण्यात आले. तर या सोबतच पार्थ अकॅडमीला बेस्ट परफॉर्मन्स स्कुल अवॉर्ड प्राप्त झाले. सतत चार वर्षे सुंदर हस्ताक्षर स्पर्धेत राज्यात सर्वप्रथम क्रमांक मिळविण्याचा बहुमान प्राप्त केल्याबद्दल पार्थ अकॅडमीचे संचालक विनोद आडे यांचा ही यावेळी विशेष सन्मान करण्यात आला. कार्यक्रमाच्या यशस्वितेसाठी अमोल खोकले, ओम पिंपळे, अनुतोष कातकडे, कृष्णा यादव, आकाश कराड, महेश अंबाड, अंकिता बुरांडे व अश्विनी विनोद आडे यांनी पुढाकार घेतला. गुणवंत विद्यार्थी सत्कार समारंभास गुणवंत विद्यार्थी व त्यांचे पालक तसेच अकॅडमीचे विद्यार्थी मोठ्या संख्येने उपस्थित होते.