अटल सेतूवर मनोरुग्णाचा नग्नावस्थेत धिंगाणा

मुंबई ः मुंबईतील एका मनोरुग्णाने उरण-न्हावा शेवा पोलिस हद्दीतील अटल सेतूच्या टोल बुथ केबिनमध्ये प्रवेश करून स्वतःला बंद करून घेतले. अटल सेतूवर त्याने घातलेल्या धिंगाण्यामुळे टोल कर्मचारी अक्षरशः हैराण झाले होते. टोल कर्मचार्‍यांनी या व्यक्तीला केबिनमधून बाहेर जाण्यास सांगितले, पण तो कोणाचेही ऐकण्याच्या मनस्थितीत नव्हता. अखेर टोल कर्मचार्‍यांनी केबिनच्या दरवाज्याची कडी तोडून दरवाजा उघडला. मनोरुग्ण अंगावरील सर्व कपडे काढून नग्नावस्थेत केबिनमधून बाहेर पडला आणि त्याने अटल सेतूवर धिंगाणा घालण्यास सुरुवात केली.