पंतप्रधानांचे भाऊ प्रल्हाद मोदी अपोलोत दाखल

चेन्नई : पंतप्रधान नरेंद्र मोदी यांचे धाकटे बंधू प्रल्हादभाई यांना चेन्नईच्या अपोलो रुग्णालयात दाखल करण्यात आलेय. त्यांना किडनी संबंधीत आजार असून त्यावर उपचार सुरू आहेत. गुजरातच्या अहमदाबाद येथील रहिवासी असलेले प्रल्हाद मोदी हे पंतप्रधानांच्या पाच भावंडांपैकी चौथ्या क्रमांकावर आहेत. किराणा मालाचे दुकान आणि टायरचे शो-रूम यामाध्यमातून उदरनिर्वाह चालवणार्‍या प्रल्हाद मोदींना गेल्या काही महिन्यांपासून किडनीच्या आजाराने ग्रासले आहे.