हरियाणात एक दिवसाची सरकारी सुटी

हरियाणा ः हरियाणामध्ये विधानसभा निवडणुकीची धामधुमी सुरू आहे. 5 ऑक्टोबर रोजी विधानसभा निवडणुकीसाठी मतदान होणार आहे. मतदानाचा टक्का वाढावा आणि प्रत्येकाला मतदान करता यावे, यासाठी दुकाने आणि व्यावसायिक आस्थापनांमध्ये काम करणार्‍या कर्मचार्‍यांना पगारी सुटी दिली जाणार आहे. हरियाणा कामगार विभागाने याबाबत अधिसूचना जारी केली आहे, जेणेकरून हरियाणा राज्यातील नोंदणीकृत मतदार आपला मतदानाचा हक्क बजावू शकतील.