कैद्यांमध्ये राडा बॉम्बस्फोटातील आरोपीची हत्या

कोल्हापूर ः कोल्हापूर जिल्ह्यातील कळंब कारागृहामध्ये रविवारी कैद्यांमध्ये झालेल्या राडामध्ये एका कैद्याची हत्या करण्यात आल्याची खळबळजनक घटना रविवारी समोर आली आहे. या या मारहाणीत मुन्ना उर्फ मोहम्मद अली खान उर्फ मनोज कुमार भवरलाल याची हत्या करण्यात आली आहे. मुन्ना हा 1993 च्या बॉम्बस्फोटातील आरोपी असल्याचे सांगण्यात येत असून या घटनेने कोल्हापूर जिल्हा हादरुन गेला आहे.
याबाबत सविस्तर माहिती अशी की, कोल्हापुरमधील कळंबा कारागृहात रविवारी कैद्यांच्या दोन गटांमध्ये मारामारी झाली. या मारहाणीत मुन्ना उर्फ मोहम्मद अली खान उर्फ मनोज कुमार भवरलाल गुप्ता याची निर्घृण हत्या करण्यात आली. या घटनेने संपूर्ण पोलीस प्रशासन हादरुन गेले असून कारागृहातील बेशिस्त पुन्हा आली चव्हाट्यावर आली आहे. मारहाणीत मृत्यू झालेला मुन्ना उर्फ मोहम्मद अली खान उर्फ मनोज कुमार भवरलाल गुप्ता हा 1993च्या मुंबई बाँम्बस्फोटातील आरोपी असून तो जन्मठेपेची शिक्षा भोगत होता, अशी माहिती समोर आली आहे. रविवारी सकाळी साडेसात वाजण्याचे सुमारास कारागृहातील तो हौदावर आंघोळ करण्यासाठी गेला असता त्याचा इतर कैद्यांशी वाद झाला. यावेळी न्यायालयात बंदी असलेले आरोपी न्यायालयीन बंदी आरोपी प्रतीक उर्फ पिल्या सुरेश पाटील, दीपक नेताजी खोत, संदीप शंकर चव्हाण, ऋतुराज विनायक इनामदार , सौरभ विकास सिद्ध या पाच जणांनी ड्रेनेजवरील लोखंडी झाकणाने मुन्ना याला जोरदार मारहाण केली. या मारहाणीत त्याचा जागीच मृत्यू झाला. या धक्कादायक घटनेने सर्वत्र खळबळ उडाली असून जुना राजवाडा पोलिसांकडून कारागृहात खुनाच्या घटनेचा पंचनामा सुरू आहे.