राजधानीत काँगे्रसच्या नवीन मुख्यालयाचे उद्घाटन

नवी दिल्ली : खासदार सोनिया गांधी यांनी बुधवारी दिल्लीत काँग्रेस पक्षाच्या नवीन मुख्यालयाचे उद्घाटन केले. यावेळी त्यांच्यासोबत काँगे्रस नेते राहुल गांधीदेखील उपस्थित होते. 9-कोटला मार्गावरील इंदिरा गांधी भवन आता देशातील सर्वात जुन्या पक्षाच्या नवीन मुख्यालयाचा पत्ता बनला आहे.
काँग्रेसचे जुने मुख्यालय लुटियन्स बंगला झोनमधील 24 अकबर रोड येथे होते. पण आता काँग्रेस मुख्यालयाचा नवा पत्ता कोटला मार्गावरील 9-ए इंदिरा गांधी भवन असा झाला आहे. 28 डिसेंबर 2009 रोजी माजी पंतप्रधान मनमोहन सिंग आणि सोनिया गांधी यांच्या हस्ते नवीन इमारतीची पायाभरणी करण्यात आली होती. नवीन काँग्रेस कार्यालयाच्या तळमजल्यावर डाव्या बाजूला एक उच्च तंत्रज्ञानाचा पत्रकार परिषद कक्ष तयार करण्यात आला आहे. नवीन इमारतीच्या अगदी मध्यभागी स्वागत कक्ष आहे, त्याच्या मागे एक कॅन्टीन बांधलेले आहे. काँग्रेस मीडिया प्रभारी यांचे कार्यालय इमारतीच्या डाव्या बाजूला असेल. यासोबतच टीव्ही वादविवादांसाठी छोटे ध्वनीरोधक कक्ष बनवण्यात आले आहेत. याशिवाय पत्रकार आणि कॅमेरामनसाठी बैठकीच्या खोल्याही बनवण्यात आल्या आहेत. विशेष कार्यक्रमांसाठी इमारतीच्या पहिल्या मजल्यावर डाव्या बाजूला एक हाय-टेक सभागृह बांधण्यात आले आहे.