शासनाने काढलेल्या जीआरची केली होळी

नाशिक प्रतिनिधी – जुनी पेन्शन योजना लागू करावी या मागणीसाठी येवल्यातील सर्व विभागातील शासकीय कर्मचारी तसेच शिक्षक संघटना दुसऱ्या दिवशी देखील संपात सहभागी झाल्या. यावेळी सरकारने काढलेल्या जीआरची देखील यावेळी होळी करण्यात आली. यावेळी तहसील कार्यालयात अनेक विभागांमध्ये शुकशुकाट बघण्यास मिळाला तर पंचायत समिती कार्यालयासमोर अनेक विभागातील शासकीय कर्मचारी व शिक्षकांनी ठिय्या मांडत संप सुरू ठेवला आहे. जोपर्यंत मागण्या मान्य होत नाही तोपर्यंत संपाची माघार घेणार नाही, असा पवित्रा देखील यावेळी कर्मचारी व शिक्षकांनी घेतला आहे.