अहिल्यानगर जिल्ह्यातील तीर्थक्षेत्रासाठी 43 कोटींचा निधी मंजूर : पालकमंत्री राधाकृष्ण विखे पा.

अहिल्यानगर : प्रादेशिक पर्यटन विकास योजने अंतर्गत जिल्ह्यातील तीर्थक्षेत्राकरीता 43 कोटी 6 लाख रुपयांचा निधी मंजूर झाला असल्याची माहिती जलसंपदा तथा पालकमंत्री राधाकृष्ण विखे पाटीलयांनी दिली. जिल्ह्याच्या तीर्थक्षेत्र पर्यटनाच्या दृष्टीने मोठी उपलब्धी असल्याचे त्यांनी सांगितले.
पर्यटन स्थळांच्या ठिकाणी पायाभूत सुविधा पुरविण्यासाठी प्रादेशिक पर्यटन योजना महायुती सरकारने जाहीर केली होती. मुख्यमंत्री देवेंद्र फडणवीस, उपमुख्यमंत्री एकनाथ शिंदे, अजित पवार यांच्या नेतृत्वाखाली महायुती सरकारने सर्व जिल्ह्यातील प्रमुख तीर्थक्षेत्रांच्या विकासासाठी 149 कोटी 76 लाख रुपयांचा निधी मंजूर केला असल्याचे मंत्री विखे पाटील यांनी सांगितले.जिल्ह्याच्या तीर्थक्षेत्र विकासातून पर्यटन आणि रोजगाराच्या संधी निर्माण होण्यासाठी मागील काही वर्षात जिल्ह्यातील तीर्थक्षेत्राचा विकास आराखडा तयार करण्याचे काम सुरू केले होते. जिल्ह्यातील महत्वपूर्ण आशा तीर्थक्षेत्रांच्या विकास कामांचे प्रस्ताव राज्य शासनाकडे सादर करण्यात आले होते. त्याप्रमाणे जिल्ह्यातील विविध तालुक्यातील तीर्थक्षेत्रांच्या 30 कामां करीता निधी उपलब्ध व्हावा म्हणून दाखल झालेल्या प्रस्तावांना मंजूरी मिळण्यासाठी पाठपुरावा करण्यात आला होता. संगमनेर तालुक्यातील तळेगांव दिघे येथील श्री बिरोबा महाराज देवस्थान परिसराची पर्यटन विकास योजनेअंतर्गत सुधारणा व सुशोभीकरण करणासाठी रु.492 लाख, ओझर खुर्द येथील नेमबाई मंदिर परिसर सुशोभिकरणासाठी 25 लाख, निंबाळे येथील मोठेबाबा मंदिर (मच्छिंद्रनाथ मंदिर) परिसर सुशोभिकरणासाठी 25 लाख, अंभोरे येथील विठ्ठल रूक्मिणी मंदिर परिसर सुशोभिकरणासाठी रु.14.6 लाख, कोल्हेवाडी येथील काशी विश्‍वेश्‍वर मंदिर परिसर सुशोभिकरणासाठी रु.25 लाख, धांदरफळ खुर्द येथील बिरोबा मंदिर परिसर सुशोभिकरणाठी रु.19.8 लाख, धांदरफळ खुर्द येथील श्री बिरोबा देवस्थान परिसर सुशोभिकरणासाठी रु.15 लाख, साकूर येथील श्री विरभद्र देवस्थान परिसर सुशोभीकरणासाठी रु.50 लाख रुपयांचा निधी उपलब्ध झाला आहे. श्रीरामपूर तालुक्यातील सरला बेट येथील गंगागिरी महाराज संस्थान येथील विकास कामांसाठी 498 कोटी, उंदिरगाव ते श्री क्षेत्र सरलाबेट राज्यमार्ग 210 (माळेवाडी ते सरालावेट 7कि.मी.) या रस्त्याचे रुंदीकरण व डांबरीकरणासाठी रु.500 लाख मंजूर आहेत. जामखेड तालुक्यातील चोंडी येथील पुण्यश्‍लोक अहिल्यादेवी होळकर जन्मस्थळ विकास कामांसाठी रु.413 लाख, श्री.क्षेत्र खर्डा येथील श्री.सिताराम बाबा देवस्थान मंदीर सभामंडप व महंत सभा मंडपासाठी रु.300 लाख, तर पारनेर तालुक्यातील निघोज येथे मळगंगा देवी परिसरात पर्यटन विसावा केंद्र बांधकामा साठी रु.250 लाख, मळगंगा देवी परिसरात पर्यटन भोजन कक्ष बांधकाम करणे व संरक्षण भिंत बांधकामासाठी रु.130 लाख,राष्ट्रीय महामार्ग क्रमांक 61 ते मंदिर कुंड रस्ता कॉक्रोटीकरणासाठी रु.65 लाख, निघोज येथील मंळगंगा देवी परिसर सुशोभिकरणासाठी रु.55 लाख मंजूर झाला आहे, यासह विविध तालुक्यातील तीथैक्षेत्रासाठी मोठ्या प्रमाणावर निधी उपलब्ध करून देण्यात आला आहे.