माजी आमदार के. पी. पाटील मविआच्या वाटेवर?

कोल्हापूर ः कोल्हापूर बिद्री कारखान्याचे अध्यक्ष आणि माजी आमदार के. पी. पाटील हे महाविकास आघाडीत प्रवेश करणार असल्याची माहिती सुत्रांनी दिली आहे. हा अजित पवार यांच्यासाठी मोठा धक्का मानला जात आहे. आधीच लोकसभा निवडणुकीत अजित पवार यांच्या राष्ट्रवादी काँग्रेस पक्षाला अपेक्षीत यश मिळालेले नाही. त्यात संघाच्या वतीनेही अजित पवार यांच्यावर निशाणा साधण्यात आला आहे. या पार्श्‍वभूमीवर अजित पवार अडचणीत सापडण्याची शक्यता वर्तवली जात आहे. त्यात आता अजित पवारांचे शिलेदार त्यांना सोडून जात आहेत का? असा प्रश्‍न या निमित्ताने उपस्थित केला जात आहे.