भररस्त्यात कॉन्स्टेबल आणि होमगार्डमध्ये सिनेस्टाईल हाणामारी

उत्तरप्रदेश प्रतिनिधी –  सोशल मीडियाला व्हायरल व्हिडीओ चे व्यासपीठ मानलं जातं. कारण, सध्या सोशल मीडियावर होमगार्ड आणि पोलीस कॉंस्टेबलमध्ये झालेल्या हाणामारीचा व्हिडीओ तुफान व्हायरल होतोय. या व्हिडीओत होमगार्ड हा पोलीस कॉंस्टेबलला लाथा बुक्क्यांनी मारहाण करताना दिसत आहे.  ही घटना उत्तरप्रदेशातील जालौन शहरातील आहे. येथील रामपुरा ठाणे हद्दीतील जगम्मनपूर परिसरात हा धक्कादायक प्रकार घडला आहे. हा व्हिडिओ समोर आल्यानंतर पोलीस विभागात खळबळ उडाली आहे. दरम्यान, हाणामारीचा व्हिडीओ समोर येताच जालौनचे पोलीस अधीक्षक रवी कुमार यांनी चौकशीचे आदेश दिले आहेत.