अंकिता लोखंडे ठरली बिग बॉसची सर्वात महागडी स्पर्धक

मुंबई प्रतिनिधी – टीव्हीचा प्रसिद्ध रिअॅलिटी शो ‘बिग बॉस 17’ लवकरच सुरू होणार आहे. सध्या हा शो सोशल मीडियावर लोकप्रिय आहे. शोशी संबंधित सर्व अपडेट्स इंटरनेटवर वेगाने व्हायरल होत आहेत. काही दिवसांपूर्वीच बिग बॉसच्या नवीन घराचे फोटो सोशल मीडियावर शेअर करण्यात आले होते .तसेच, आत्तापर्यंत ‘बिग बॉस 17’ च्या अनेक स्पर्धकांची नावेही समोर आली आहेत. दरम्यान, अभिनेत्री अंकिता लोखंडे पती विकी जैनसोबत या शोमध्ये सहभागी होणार असल्याची बातमी आहे. मीडिया रिपोर्ट्सनुसार, अंकिता लोखंडे बिग बॉसच्या या सीझनची सर्वात महागडी स्पर्धक आहे.

सध्या टीव्ही जगतातील प्रसिद्ध सून अंकिता लोखंडे लोकांमध्ये चर्चेचा विषय बनली आहे. अंकिता लोखंडे पती विकी जैनसोबत बिग बॉस 17 चा भाग बनणार असल्याचे बोलले जात आहे. मीडिया रिपोर्ट्सनुसार, अंकिता लोखंडेने बिग बॉसच्या घरात प्रवेश करण्यासाठी 200 ड्रेसेसची खरेदीही केली आहे. मात्र, अभिनेत्रीने याबाबत अधिकृतपणे काहीही सांगितलेले नाही.

अहवालानुसार, अंकिता लोखंडे बिग बॉस 17 ची सर्वाधिक मानधन घेणारी स्पर्धक बनून अनेक विक्रम मोडू शकते.अंकिता लोखंडे आणि तिचा पती विकी जैन यांना या शोचा भाग होण्यासाठी सर्वाधिक फी आकारत आहे