पोलिस भरतीच्या आमिषाने तरुणीवर बलात्कार

पुणे: पोलिस भरतीची तयारी करणार्‍या तरुणीवर तिला भरती करून देण्याचे आमिष दाखवत तिच्यावर बलात्कार करण्यात आल्याची धक्कादायक घटना पुण्यात उघडकीस आली आहे. या प्रकरणी याप्रकरणी वानवडी पोलिस ठाण्यात एकाविरुद्ध गुन्हा दाखल करण्यात आला आहे. अक्षय चंद्रशेखर प्रधान (वय 27, रा. सय्यदनगर, हडपसर) असे गुन्हा दाखल करण्यात आलेल्या आरोपीचे नाव आहे. या प्रकरणी एका 31 वर्षीय तरुणीने दिलेल्या तक्रारीनुसार गुन्हा दाखल करण्यात आला आहे. ही पीडित तरुणी पोलीस भरतीची तयारी करते. पोलिसांनी दिलेल्या माहितीनुसार पीडित तरुणी ही वानवडीतील एका संस्थेत जायची. तेथे तिची आरोपी प्रधानशी ओळख झाली होती.