सातभाई कॉलेजच्या गुणवंतांचा सन्मान

कोपरगाव शहर ः फेब्रुवारी मार्च 2024 मध्ये महाराष्ट्र राज्य माध्यमिक व उच्च माध्यमिक परीक्षा मंडळाच्या वतीने घेण्यात आलेल्या इयत्ता बारावी परीक्षेत कोपरगाव तालुक्यातील कमलाताई बाळासाहेब सातभाई तांत्रिक ज्युनिअर कॉलेज कासलीच्या गुणवंत विद्यार्थ्यांचा आमदार आशुतोष काळे यांच्या वतीने आयोजित गुणवंत विद्यार्थी गौरव सोहळ्यात गौरव करण्यात आला. याप्रसंगी प्रसिद्ध सेने अभिनेते प्रसाद ओक यांच्या प्रमुख उपस्थितीत झालेल्या या गुणगौरव सोहळ्यात सातभाई तांत्रिक ज्युनिअर कॉलेज कासलीचे प्रथम क्रमांक क्रमांकाने उत्तीर्ण झालेली सायली दुशिंग, द्वितीय क्रमांकाने उत्तीर्ण झालेली पूजा जाधव व तृतीय क्रमांकाने उत्तीर्ण झालेला मयूर काळे या गुणवंत विद्यार्थ्यांचा आमदार आशुतोष काळे यांनी सन्मानचिन्ह व पुष्पगुच्छ देऊन सन्मान करत त्यांना भावी वाटचालीस शुभेच्छा दिल्या.