फेरीवाला विरोधी पथकाने केला 2 कोटी 72 लाखाचा दंड वसूल

मुंबई ः मध्य रेल्वेतील रेल्वे संरक्षण दलाच्या फेरीवाला विरोधी पथकाने बेकायदेशीर कारवायांवर कारवाई करताना एप्रिल ते ऑक्टोबर 2023 या कालावधीत भारतीय रेल्वे कायद्याच्या कलम 144 अंतर्गत 21 हजार 749 गुन्हे दाखल करून, 21 हजार 736 व्यक्तिंना अटक केली असून, त्यांच्याकडून तब्बल 2 कोटी 72 लाखाचा दंड वसूल केल्याची माहिती मध्य रेल्वेच्या जनसंपर्क विभागाने दिली आहे.  
फेरीवाला विरोधी पथकाने एप्रिल ते ऑक्टोबर 2023 या कालावधीत अनधिकृत फेरीवाले आणि रेल्वेच्या आवारात अतिक्रमण करण्याच्या बेकायदेशीर कृत्य करणार्‍याविरोधात मोहीम राबवली, आणि ट्रेनमध्ये 21 हजार 749 प्रकरणे नोंदवून 21 हजार 736 व्यक्तिंना अटक केली. भारतीय रेल्वे कायद्याच्या कलम 144 अंतर्गत एप्रिल 2023 ते ऑक्टोबर 2023 या कालावधीत फेरीवाला विरोधी पथकाने विविध कारवाया आणि तपासणी करून 21 हजार 749 गुन्हे दाखल केले आहेत. या कालावधीत नोंदवलेल्या हॉकिंग प्रकरणांची संख्या गेल्या वर्षीच्या  म्हणजेच एप्रिल-ऑक्टोबर 2022 या कालावधीत नोंदवण्यात आलेल्या 17 हजार 967 प्रकरणांच्या तुलनेत 21 टक्के अधिक आहे. हॉकर्सचा उपद्रव आणि बेकायदेशीर क्रियाकलापांना आळा घालण्यासाठी कारवाई दरम्यान, एप्रिल ते ऑक्टोबर 2023 दरम्यान एकट्या मुंबई विभागात 8 हजार 629 गुन्ह्यांची नोंद झाली असून 8 हजार 624 व्यक्तिंना अटक करून एकूण 94.77 लाख दंड वसूल करण्यात आला आहे. भुसावळ विभागाने सर्वाधिक रु.1 कोटी 15 लाखाचा दंड वसूल केला. या विभागामध्ये 6 हजार 349 प्रकरणे नोंदवण्यात आली असून 6 हजार 348 व्यक्तींना अटक करण्यात आली आहे. नागपूर विभागात 2 हजार 734 गुन्हे दाखल करून 2 हजार 731 व्यक्तिंना अटक, रु.27 लाखाचा दंड वसूल करण्यात आला आहे. पुणे विभागाच्या रेल्वे संरक्षण दलाने 1,856 गुन्हे नोंदवले, 1,855 व्यक्तिंना अटक केली आणि रु.12.71 लाख दंड वसूल केला. रेल्वे संरक्षण दलाने सोलापूर विभागात 2,181 गुन्हे नोंदवले, 2,178 व्यक्तिंना अटक केली आणि रु.21.92 लाखांचा दंड वसूल केला. फेरीवाला विरोधी पथकाच्या सततच्या प्रयत्नांनी प्रवाशांची सुरक्षा सुनिश्‍चित करण्यासाठी त्यांचे समर्पण दिसून आले आहे. हे परिणाम रेल्वे नेटवर्कची अखंडता राखण्यासाठी आणि प्रवाशांच्या हिताचे संरक्षण करण्यासाठी रेल्वे अधिकारी आणि कायद्याची प्रभावीपणे अंमलबजावणी करतांना दिसून येत आहे.