मिशन रानीगंज – द ग्रेट भारत रेस्क्यू’ चा थरारक ट्रेलर रिलीज

अक्षय कुमार स्टारर ‘मिशन रानीगंज – द ग्रेट भारत रेस्क्यू’चा ट्रेलर अखेर रिलीज झाला आहे. चित्रपटाच्या अप्रतिम टीझरनंतर चाहत्यांच्या नजरा ट्रेलरकडे लागल्या होत्या. आता निर्मात्यांनी ‘मिशन राणीगंज’चा धमाकेदार ट्रेलर रिलीज केला आहे, टिनू सुरेश देसाई दिग्दर्शित ‘मिशन राणीगंज’चा ट्रेलर 25 सप्टेंबरला प्रदर्शित झाला. ट्रेलरची सुरुवातच मोठ्या धमाक्याने होते. खाणींमध्ये काम करणाऱ्या लोकांचे जगणे त्रासदायक बनले आहे. यानंतर अक्षय कुमारचा मसीहा म्हणून प्रवेश होतो, जो चित्रपटात खऱ्या आयुष्यातील नायक जसवंत सिंग गिलची भूमिका साकारत आहे.जेव्हा सर्वजण कामगार मेले असे गृहीत धरतात, तेव्हा अक्षय कुमारने ठरवले की तो कामगारांना वाचवेल. भूगर्भात वेदनेने ग्रासलेले मजूर जीवन-मरण यांच्यात झुलत आहेत आणि मदतीसाठी याचना करत आहेत. मग अक्षय कुमार खऱ्या आयुष्यातील हिरो बनतो आणि जोखीम पत्करतो आणि त्यांना वाचवण्यासाठी ठोस योजना बनवतो.

स्टारकास्टबद्दल बोलायचे झाले तर अक्षय कुमार व्यतिरिक्त या चित्रपटात परिणीती चोप्रा, कुमुद मिश्रा, पवन मल्होत्रा, रवी किशन, वरुण बडोला, राजेश शर्मा आणि वीरेंद्र सक्सेना सारखे स्टार्स महत्त्वपूर्ण भूमिकेत आहेत. मिशन राणीगंज’ 6 ऑक्टोबर 2023 रोजी थिएटरमध्ये प्रदर्शित होणार आहे. पूजा एंटरटेनमेंटच्या बॅनरखाली बनलेल्या ‘मिशन राणीगंज’ या चित्रपटाची निर्मिती विशू भगनानी, जॅकी भगनानी, दीपशिखा देशमुख आणि अजय कपूर यांनी संयुक्तपणे केली आहे.