मोठी कारवाई ! 71 लाखांचा गुटखा जप्त

यवतमाळ प्रतिनिधी  – यवतमाळ बाभूळगावमध्ये 71 लाखांचा गुटखा जप्त करण्यात आल्याने खळबळ उडाली आहे. स्थानिक गुन्हे शाखा आणि अन्न व औषध प्रशासन विभागाने संयुक्त कारवाई केली आहे. आजपर्यंतची सर्वात मोठी कारवाई मानली जात आहे. मध्य प्रदेशातील इंदोर येथून गुटखा आणल्या गेला होता. बाभुळगाव या लहानशा गावातून गुटख्याचे मोठे नेटवर्क जात असल्यावर शिक्कामोर्तब झाले आहे. ऐफाज मेनन (वय 30) याला अटक करण्यात आली असून विविध कलमान्वये बाभूळगाव पोलीस ठाण्यात गुन्हा दाखल करण्यात आला आहे. इतर संशयित आरोपी यांचा शोध सुरू आहे.