युगेंद्र पवारांची मतदान यंत्राची तपासणी प्रक्रियेतून माघार

पुणे : विधानसभा निवडणुकीमध्ये बारामती मतदारसंघातून महायुतीकडून अजित पवारांनी तर महाविकास आघाडीकडून युगेंद्र पवारांनी निवडणूक लढवली. बारामती मतदारसंघातून अजित पवारांनी विक्रमी मतांनी बाजी मारली. त्यानंतर युगेंद्र पवारांनी मतमोजणी प्रक्रियेत घोळ झाल्याचा आरोप करत फेरमतमोजणीसाठी अर्ज केला होता. त्यानंतर आता युगेंद्र पवार यांनी मतदान यंत्रांच्या तपासणीतून माघार घेतली आहे. राष्ट्रवादी काँग्रेस शरद पवारांच्या पक्षाच्यावतीने मतदान यंत्राविरोधात आंदोलनाची हाक दिल्यानंतर युगेंद्र पवार यांनी अचानकपणे फेर मतमोजणीच्या प्रक्रियेतून माघार घेतल्याने नेत्यांच्या भुवया उंचावल्या आहेत.