काकडे महाविद्यालयात अविष्कार संशोधन स्पर्धेत नाविन्यपूर्ण प्रकल्प सादर

शेवगाव तालुका ः आबासाहेब काकडे बी. फार्मसी महाविद्यालय बोधेगाव येथे सावित्रीबाई फुले पुणे विद्यापीठ संशोधन विभागांतर्गत महाविद्यालयीन स्तरावर अविष्कार संशोधन व पोस्टर  प्रेझेंटेशन स्पर्धेचे आयोजन 25 सप्टेंबर 2024 रोजी करण्यात आले होते. यावेळी प्रमुख पाहुणे म्हणून अँड. डॉ. शिवाजीराव काकडे उपस्थित होते.  अविष्कार संशोधन सारख्या स्पर्धेचा मोठा उपयोग विद्यार्थ्यांच्या गुणवत्ता वाढीसाठी व विद्यार्थ्यांमध्ये संशोधन वृत्ती वाढवण्यासाठी तसेच त्यांच्या कल्पकतेला चालना मिळवण्यासाठी होणार आहे अशी माहिती काकडे यांनी विद्यार्थ्यांना आपल्या मार्गदर्शनाद्वारे दिली.
 या स्पर्धेमध्ये विद्यार्थ्यांनी विविध नाविन्यपूर्ण व कल्पक संकल्पना द्वारे संशोधनाचे सादरीकरण पोस्टर द्वारे केले. त्यापैकी विविध श्रेणी मधून उत्कृष्ट चार पोस्टरची निवड करण्यात आली. त्यामध्ये प्रथम क्रमांक कु.दौंड तृप्ती व दौंड प्रभंजन व खोसे आरती व अनाप साक्षी ,द्वितीय क्रमांक देशमुख सायली तसेच तांबे अभिषेक, पठाण सानिया व पाठे रीचा यांची तृतीय क्रमांकासह विभागीय स्पर्धेकरिता निवड करण्यात आली.या स्पर्धेसाठी परीक्षक म्हणून मुळा एज्युकेशन सोसायटी सोनई येथील फार्मसी कॉलेजचे उपप्राचार्य डॉ. विलास घावटे सर व एन एन सथा बी. फार्मसी कॉलेज अहमदनगर येथील विभाग प्रमुख डॉ. माधुरी देशमुख यांनी केले. अविष्कार संशोधन कार्यक्रमाचे आयोजन  प्राध्यापक सोमनाथ डावखर यांनी केले होते तसेच सूत्रसंचालन शरयू भोसले व जायगुडे वैष्णवी यांनी केले व प्रास्ताविक महाविद्यालयाचे प्राचार्य डॉ. हेमंत गांगुर्डे यांनी तर आभार प्रदर्शन प्राध्यापक सोमनाथ डावखर यांनी केले.विभागीय स्तरावरील स्पर्धेसाठी निवड झालेल्या विद्यार्थ्यांचे  आदरणीय हर्षदा ताई काकडे मा. सभापती महिला व बालकल्याण विभाग अहमदनगर तसेच संस्थेचे मुख्य कार्यकारी अधिकारी आदरणीय प्रा. लक्ष्मणराव बिटाळ सर व समन्वयक प्रा. संपतराव दसपुते यांनी अभिनंदन व कौतुक केले तसेच पुढील वाटचालीस शुभेच्छा दिल्या.