50 हजारांची लाच घेणारा भूमापक एसीबीच्या जाळयात

हिंगोली : शेत जमीन मोजमापासाठी 50 हजारांची लाच स्वीकारताना भूमापकासह एकास अटक करण्यात आली. ही कारवाई लाचलुचपत प्रतिबंधक विभागाने काल (दि.30) दुपारी केली. याप्रकरणी गुन्हा दाखल करण्याची प्रक्रिया सुरू आहे. वसमत शहरातील उपअधीक्षक भूमीअभिलेख कार्यालयातील भूमापक मारूती घाटोळ यांनी शेत जमीन मोजमापासाठी शेतकर्याकडे 50 हजार रुपयांच्या लाचेची मागणी केली होती. शेतकर्‍याने ‘एसीबी’कडे तक्रार केली. त्यानंतर लाचलुचपत प्रतिबंधक विभागाने तक्रारीची खातरजमा केली.