उत्तरप्रदेशात अपघातात नवरदेवासह 4 जणांचा मृत्यू

लखनौ ःउत्तर प्रदेशातील एटा जिल्ह्यात भीषण अपघाताची घटना घडली आहे. राष्ट्रीय महामार्ग-91 च्या सुन्ना कालव्याच्या पुलावर भरधाव कारने दुभाजकाला जोरादर धडक दिली. या अपघातामध्ये 4 जणांचा जागीच मृत्यू झाला तर 5 जण जखमी झाले आहे. कारमधील सर्वजण लग्नासाठी गावाकडे निघाले होते. त्याचवेळी ही भीषण अपघाताची घटना घडली. मृतांमध्ये नवरदेवासह 4 जणांचा समावेश आहे. या अपघाताचा तपास उत्तर प्रदेश पोलिसांकडून सुरू आहे. मिळालेल्या माहितीनुसार, अपघातग्रस्त कारमधील सर्वजण दिल्लीवरून मैनपुरीला जात होते. राष्ट्रीय महामार्ग-91 च्या सुन्ना कालव्याच्या पुलावर येताच चालकाचा कारवरील ताबा सुटल्यामुळे हा अपघात झाला.