सैराट फेम अभिनेत्याला मुजोर रिक्षाचालकाकडून शिवीगाळ.

ब्लॉकबस्टर सैराट आणि झुंड यांसारख्या चित्रपटात आपल्या अभिनायची वेगळी छाप सोडणाऱ्या अरबाज शेख(Arbaaz Sheikh) याला पुण्यात रॅपिडो अॅपच्या  रिक्षाचालकानं चक्क शिवीगाळ केली आहे. एवढंच नाही तर त्या रिक्षाचालकाने अरबाजला भरपावसात रिक्षेतून खाली उतरण्यास सांगितले आणि भाडेही अॅपमध्ये दाखवले आहे त्यापेक्षा जास्त घेतले. हा सगळा वाईट अनुभव अभिनेत्यानं फेसबुकवर शेयर केला आहे, तसेच अशा रिक्षाचालकांवर कारवाई व्हावी अशी मागणीही त्याने केली आहे.