बालाजीला केस अर्पण करणे पडले महागात, नोकरी गेली

हैदराबादः येथील एका उबर ड्रायव्हरला चक्क आपली हेअर स्टाईल बदलल्यामुळे नोकरी गमवावी लागली. आपल्या आयुष्यात सुख, समृद्धी यावी यासाठी त्याने नुकतीच भगवान तिरुपती बालाजी देवस्थानला  भेट दिली आणि प्रथेनुसार आपले केस तिथे अर्पण केले; मात्र आपण टक्कल केल्याचा असा फटका बसेल याची त्याने कल्पनाही केली नव्हती. परत आल्यावर त्याने उबरच्या पोर्टलवर लॉग इन करण्याचा प्रयत्न केला, तेव्हा फेशियल रिक्ग्नेशन सिस्टीममध्ये त्याचा चेहरा ओळखला गेला नाही.