विक्रोळीतील अपघातात दोघांचा मृत्यू

मुंबई ः मुंबईतील विक्रोळी पूर्व द्रुतगती मार्गावर झालेल्या भीषण अपघातात दोघांचा मृत्यू झाला आहे. भरधाव वेगात असणार्‍या कारचालकाचे गाडीवरून नियंत्रण सुटल्याने फुटपाथवरील झाडाला गाडी जोरदार धडकली व काही अंतरावर जाऊन पलटी झाली. यात दोन जण ठार झाले आहेत. विक्रोळी पूर्व द्रुतगती मार्गावरील प्रवीण हॉटेल समोर रात्री साडेबाराच्या सुमारास हा अपघात झाला. यात चालक सिद्धार्थ ढगे व त्याच्या बाजूला बसलेला त्याचा मित्र रोहित निकम हे दोघेही गंभीररित्या जखमी झाले. मात्र उपचाराआधीच त्यांचा मृत्यू झाला.