चोरट्यांनी घरफोडी करून 13 ते 15 तोळे केले लंपास

पनवेल प्रतिनिधी  – पनवेल तालुक्यातील बारापाडा गावात एका घरात घुसून 13 ते 15 तोळे सोन्याचे दागिने आणि जवळपास दीड लाखांची रोकड चोरटयांनी लंपास केली आहे. रात्री तीन च्या सुमारास अज्ञात चोर घरावर चढून घराची कौले काढून आत प्रवेश केला असून स्वयंपाक घरातील कपाट फोडून त्यात असणारे 13 ते 15 तोळे सोन्याचे दागिने आणि जवळपास दीड लाखांची रोकड चोरटयांनी लुटली असल्याची घटना घडल्याने परिसरात खळबळ माजली आहे. घटनेची माहिती मिळताच पनवेल पोलीस स्टेशनचे वरिष्ठ पोलीस निरीक्षक रवींद्र दौंडकर(Ravindra Daundkar) आणि त्यांच्या टीमने घटनास्थळाला तात्काळ भेट देऊन अज्ञात चोरांविरोधात गुन्हा दाखल केला असून सीसीटीव्ही आणि तांत्रिक माहितीच्या आधारे चोरट्यांचा शोध सुरू केला आहे.