दिशा सालियन मृत्यू प्रकरणात कोणताही राजकीय अँगल नाही

अभिनेता सुशांत सिंग राजपुत याची मॅनेजर दिशा सालियन मृत्यू प्रकरणी सीबीआयने या प्रकरणात कोणताही राजकीय अँगल नाही, दिशाचा मृत्यू हा इमारतीवरून तोल जाऊन पडल्यामुळे झाला आहे, असा निष्कर्ष तपासाअंती काढला आहे. भाजपचे नेते आणि केंद्रीय मंत्री नारायण राणे आणि त्यांचा मुलगा नितेश राणे यांनी अनेक गंभीर आरोप केले होते. शिवसेनेचे नेते आदित्य ठाकरे यांच्यावर राणेंनी गंभीर आरोपही केले होते. सीबीआयच्या या निष्कर्षानंतर पुन्हा आता नितेश राणेंनी जोरदार टीका केली आहे. दिशा सालीयन संदर्भात मी मीडियाच्या माध्यमातून ऐकलं आहे. मात्र, तत्कालीन मुख्यमंत्री उद्धव ठाकरे होते. त्यावेळी मग प्रकारांमध्ये संशयित तपास का दाखवला. आजही पोस्टमार्टम रिपोर्ट का लपवला जातो, असा सवाल करत त्यांनी सीबीआयकडे तपास करण्यासाठी पुरेसे पुरावे नाहीत, असा दावा केला आहे.